各界嘈到拆天，民政事務局終於考慮修例打擊「黃牛黨」，會將康文署轄下場地一併納入《公共娛樂場所條例》規管，由於「炒黃牛」或列為刑事罪，所以要小心研究先得。炒黃牛唔係今日先爆出嚟，康文署署長李美嫦一直都管唔到，搞到市民買唔到飛，亦衍生賣假飛等嘅問題，依家先話考慮修例已經係遲，竟然連立法時間表都冇，擺明又係拖字訣，即係任由黃牛黨繼續大炒特炒啫！
