政情：競爭力下降 莫乃光：衰在港府冇幽默感

Charles話早前參與咗一個東盟嘅論壇，本港競爭對手新加坡嘅官員喺介紹國內嘅科技政策時，自嘲科技落後，「以退為進」嘅方式令聽眾受落。另一印尼嘅官員又玩自嘲，指現時年輕人只信Facebook、Twitter，唔信政府，搞到當地官員要學習用幽默風趣嘅字眼等去玩Instagram，成功同年輕人溝通。

至於香港官員呢，就由頭到尾讀稿，有乜嘢就淨係識唱好，Charles指駐海外經貿辦負責向外宣傳香港，但港府官員態度死板，毫無幽默感，「真係做Sales都唔合格」。

邱騰華：議員外訪都要幽默

商務及經濟發展局局長邱騰華回應話，宣傳香港係駐海外經貿辦嘅工作重點，尤其係推銷香港嘅稅務優勢同良好營商環境，又話立法會議員外訪，都係宣傳香港嘅重要一環，暗指議員都應該要幽默埋一份。