政情：蘇偉文拍片扮茶客 硬銷三隧分流
政府提出三隧分流方案後，社會毀多於譽，繼運輸及房屋局局長陳帆日前出口術，呼籲立法會議員全面看待方案後，前日到陳帆副手、運房局副局長蘇偉文接力，拍片扮茶客歎咖啡硬銷方案，據運房點線面Facebook上載近三分鐘短片，蘇偉文扮茶客大談減西隧，加紅隧同東隧收費好處，包括減少社會成本，空氣改善等。
網民唔太受落
不過，大批網民似乎對蘇偉文粉墨登場「唔太受落」，有網民質疑政府開口埋口都指方案係根據科學分析嘅說法，另外多名網民更反建議三隧劃一收費，如三隧齊齊收三十五元，「包你分流晒所有車」，而駕駛者自此選用哪一條隧道，亦不會再有比較心態。
未知學者出身嘅蘇偉文，會唔會花少少時間睇網民留言，了解一下民間智慧對三隧分流嘅建議，會唔會較科學分析更為可取？