中環出更：容海恩倡遙距或授權投票 議規會否決
新民黨嘅容海恩係首名任內產子嘅立法會議員，早前佢亦要求畀佢遙距或授權投票。立法會議事規則委員會尋日召開會議，委員會主席謝偉俊喺會後話，參考過其他國家處理懷孕議員投票的方法，以及考慮香港地理環境等因素，委員會主流意見認為毋須為懷孕議員嘅投票同請假等事項去修改《議事規則》。
梁繼昌：或設其他配套協助
委員會副主席梁繼昌亦指遙距投票或授權投票牽連甚廣，反問日後議員因病或因車禍而無法投票，是否亦可接受遙距或授權投票。他指委員會將考慮其他配套措施協助懷孕議員，例如議員日後是否可攜嬰兒上班等。
至於加重議員喺議會內行為不檢罰則一事，謝偉俊話會上過半委員認同需適當修正罰則，但會議上未有討論具體細節，稱已交由秘書處作具體的細節研究，最快兩個月後委員會開會才有進一步結果，未知何時會提交大會。
卓妮