探射燈：業界倡智能化計算過濾量
全球響應少買樽裝水，多個國家或地區亦增設飲水機。台北早在一五年，在飲水機提供QR碼供民眾查詢水質等狀況，又每三個月檢測濁度、大腸桿菌數量，希望令資訊公開透明，但現時港府轄下部分飲水機連濾水芯日期亦欠奉，有業內人士指政府配套過時，未能讓市民飲得安心。
可透過程式維修飲水機
提供智能飲用水機服務的「城泉」行政總裁葉蓁蓁指，濾水器應該以使用量計算何時更換而非按時間。「原理係愈過得多嘢，就愈快要換，喺公眾地方可能一日有一百個人斟水，可能得幾個，如果按時更換的話，咁嘅做法就唔係最準確。」
葉蓁蓁指，政府近年大力推動智慧城市，應把飲水機智能化，用數據計算飲水機過濾流量，亦可透過程式維修飲水機，「好多時部飲水機三日唔埋兩日就維修，剩番唔維修嗰日，都唔敢用啦。」她指惟有做到水質檢測透明才可鼓勵市民多用飲水機，放棄購買樽裝水。