柳瀬早紀胸大冇仔溝

家陣好多靚女都係單身,有分析指靚女冇男友嘅原因,可能係男仔見到佢哋咁靚就以為不乏男友,所以亦無謂舂個頭埋去做觀音兵。至於日本寫真界嘅「最強胸器」柳瀬早紀亦表示自己有一段好長日子冇仔溝,不過唔係因為靚女,而係胸部太大!

分量十足

小弟一直唔係博古通今之輩,但係對於日本AV界同寫真界都好有研究,更引以為傲。有時亦少不免會將兩者嘅女優比較,最常比較嘅一定係兩個界別嘅最強巨乳,AV界方面,最大胸嘅女優一定非威揚到歐美嘅O Cup尤物Hitomi莫屬,至於寫真界嘅最強巨乳亦顯而易見,就係I奶姊系女優柳瀬早紀喇!

早紀今年踏入三十之齡,氣質同4年前出道嘅時候冇變過,一樣係散發出一股親切又溫柔嘅姊系氣息,笑起上嚟亦可愛甜美。至於身材方面,個子唔高,但係胸前有一對大得誇張、大得超乎想像嘅40I木瓜奶!呢對木瓜奶每邊都好似人頭咁大,早前早紀應傳媒要求將巨乳放喺電子磅上磅重,發現每邊胸部有成2公斤咁重!難怪早紀話因為呢對分量十足嘅巨胸而搞到腰痠背痛啦!不過,阿妹你千祈唔好做縮胸手術呀,唔係廣大觀眾就會眼福劇減,為咗大家着想,點都要頂住呀!

趁機溝仔

見到柳瀬早紀發育得咁好,而且胴體帶點豐滿肉感,大家可能會以為阿妹自小生於大富之家,經常大魚大肉吸收豐富營養。喺訪問中,早紀表示屋企屬於小康之家,父母經營蔬菜店,平時食菜多過食肉。早紀仲話讀小學時成日凌晨4、5點起身,跟住爸爸去大型菜市場辦貨,雖然係辛苦,但係佢覺得能夠為屋企出一分力係應該嘅,阿妹真係好孝順呀!如果娶佢做老婆一定可以組織到個幸福美滿嘅家庭喇。

講到結婚,早紀表示希望喺35歲結婚,之不過要搵個合適對象唔係咁容易,原因係佢已經冇拍拖好耐,事關好多男人都只會欣賞佢個胸,最慘就係齋睇而唔敢埋身搭訕!早前,早紀有一段日子冇蒲頭,後來有傳媒訪問佢,就話同事務所有啲問題要斟酌,所以暫時停工,不過早紀話問題應該好快會搞掂,並且會好好享受呢段悠閒嘅日子,多做自己鍾意做嘅事。咁就啱啦!不如阿妹唔好再咁被動喇,一於趁呢段時間盡情啲去溝仔啦!

社交網站

簡介:柳瀬早紀嘅個人社交網有一段日子停止更新,好彩最近已經開始上載最新個人狀況,其中見到早紀不時相約姊妹四圍玩樂,想知道早紀最近又去咗邊度享受悠閒時光,就要跟貼佢嘅社交網喇。

網址:https://twitter.com/yanase_saki?lang=ja

柳瀬早紀Profile

年齡:30歲

身高:5呎

三圍:40I-26-35

撰文:賢