施政報告建議明日大嶼計劃，估計斥資五千億元進行大規模填海建人工島，隨即惹起民憤。發展局局長黃偉綸尋日出席立法會一個委員會時，多名議員批評政府無視土地供應專責小組嘅最終報告，搶先公布明日大嶼願景，有議員更批評政府令人感覺唔尊重專責小組，但黃偉綸仲死撐話建議第一階段填海係一千公頃同專責小組之前嘅諮詢脗合，所以專責小組年底提交嘅報告將極具參考價值。明明係搶閘，政府想製造填海嘅既定事實，到時份報告噏乜都冇用喇，黃偉綸竟然擘大眼講大話。
