公立醫院嘅醫護人手長期不足，有關注組織尋日話依家病人「睇病難，藥費貴」，批評施政報告未解決燃眉之急，喺醫療方面嘅財政承擔只係杯水車薪，有成員仲扮成病人，寓意前線醫護人員工作量大，做到五勞七傷，鬧爆特首視而不見。老實講，食物及衞生局局長陳肇始呢排認真唔得閒，事關因為滅蚊不力，鼠患搞唔掂仲賴落超強颱風「山竹」度，畀外界插到變箭豬，瓣瓣都唔掂，根本自顧不暇，試問仲邊得閒理班醫護人員吖！
