政情：風後亂象政府懶理 陳恒鑌海旁執垃圾
每個人都有本身嘅舒適區，要走出舒適區需要雖然職業無分貴賤，但係執垃圾呢類工作又臭又污糟，都唔係人人願意做，但立法會議員陳恒鑌（Ben）尋日就趁住假期，同班義工一齊去咗荃灣海旁執垃圾，事關超強颱風山竹襲港之後，好多垃圾卡咗喺海旁嘅防波堤入面，當中最多係發泡膠同膠樽，阿Ben話其實叫過政府部門嚟清，不過冇人理，所以最後都係靠自己，唔知政府部門係怕污糟定怕麻煩呢？
卡喺防波堤 一日執唔晒
其實執海旁垃圾比普通垃圾危險得多，Ben同班義工要戴足手套同安全繩，更加唔好彩嘅係佢哋執到一半時落大雨，阿Ben都諗過放棄，但一諗到難得約齊人出嚟執垃圾，不如索性執埋佢，畢竟再拖都唔知幾時先清得完！
最後眼見佢哋都執咗成二十袋垃圾，見番啲石頭，算係有啲成績，Ben都話好開心。但佢話成個荃灣海旁，即係由麗城花園至海濱花園都有呢個情況，只得一日係執唔晒嘅，所以呼籲市民唔好亂拋垃圾。