特區冇靈魂政府有樣嘢叻，就係可以令時光倒流，不但退到「三不管」嘅昔日九龍寨城，更去到喪權辱國嘅晚清、民國時期！臭名遠揚嘅深水埗通州街天橋底「南亞村」藏污納垢，除了屢次發現真槍實彈，早前落網嘅印度裔恐怖分子，被指與本地南亞兵團勾連，在港遙控家鄉黑幫策劃劫獄，你話本港治安不是已敲響警鐘嗎？
可惜，特衰政府不但崇洋懼外，更欺善怕惡，早前係威係勢去南亞村執法，擾攘大半日只係拆咗一間木板屋就收工，南亞村淪為市民聞之色變嘅「六不管地帶」，比當年「三不管」嘅九龍寨城「進步」了一倍。
另一方面，晚清、民國時期中國被列強瓜分，租界林立，外國人作奸犯科，只要走進呢啲有「治外法權」嘅所謂「租界」，華界警察就冇權入去拉人，是以租界成為罪犯乃至政治犯的避難之所。而今日的香港，民族黨召集人陳浩天公然「播獨」，外交部駐港特派員公署發表聲明譴責香港外國記者會（ＦＣＣ）邀請港獨分子「演講」，觸碰「一國兩制」底線；署理行政長官張建宗亦重申港府不能容忍，指提供平台讓講者公開大肆宣揚港獨是不恰當、不合理，對此深表遺憾。然而，即使「炮聲隆隆」，又能奈播獨者何？
你看陳浩天的囂張氣燄：我有錯，拉我囉！很榮幸成為九七年以來首個擬被《社團條例》禁止運作的團體！冇嘢嘅，佢深知走進ＦＣＣ就如同穿越時空回到「租界」時，特衰政府除了「遺憾」已技窮，挾洋自重又如何？要特衰政府嚴正執法，比拉牛上樹更難！不過，特衰政府令時光倒流嘅本領，又真係唔到你唔服！古人說，欲知平直，則必準繩；欲知方圓，則必規矩；人主欲自知，則必直士。香港今日嘅沉淪，就係冇咗準繩、規矩；即使有直言之士，冇靈魂政府會聽嗎？答案已寫在時光機上！