土地供應專責小組巡迴展覽前日出現大批外傭排大隊索取問卷嘅情況，立法會議員尹兆堅尋日質疑有人嘗試動員大批人士填寫問卷，藉此影響諮詢結果，製造假民意。小組主席黃遠輝承認有留意到上述情況，會考慮出兩招應對，包括限制每人領取問卷嘅數量，同埋若發現有大量相連號碼嘅問卷提交，會查看答案內容係咪一模一樣。話時話，土地選項問卷一直被議員譏為「點心紙」，外傭攞多幾份不足以證明有人意圖造假。可能外傭以為真係派點心紙，剔一剔就有點心食呢？
