雖然話未食五月糉，寒衣未入櫳，但係近期天氣炎熱，意味住初夏已至，又係時候出外享受一下熱力澎湃嘅日子喇！而火辣美少女平嶋夏海最近推出以夏日為主題嘅寫真映像作品，而且嚟緊會參與好多夏日活動，以熱情令氣氛更高漲！
日本樂壇大型團體AKB48盛產青春美少女，當中好多成員脫離團體作單飛發展後，亦成功憑美色上位，好似小嶋陽菜、河西智美、入山杏奈等就係出身於AKB48喇！不過數到近期狀態大勇嘅前AKB48成員，就非平嶋夏海莫屬啦！26歲嘅平嶋夏海冇以前喺AKB48時期咁肥，原本嘅闊面亦變成家陣嘅瓜子口面，充滿純真少女味道之餘，同時多咗一份艷麗氣質。身材方面，夏海剛剛轉投寫真界發展嘅時候，胴體仍帶點肥胖感，夏海表示為咗能夠喺寫真界爭取到更強人氣，故不斷做運動收身，而從夏海家陣豐滿誘人又帶健美感嘅體態，可見阿妹真係花過唔少汗水同時間勤做運動。同好多成功收身嘅寫真女優一樣，夏海瘦人唔瘦胸，上圍對35F美巨乳未因收身而縮水，甚至顯得比以前更加堅挺彈手，夏海如果唔拍寫真，轉行出書教女仔收身健胸，話唔定賺到盆滿缽滿喎！
平嶋夏海之所以努力做運動收身，其中一大原因係為咗喺最新嘅寫真映像作品《夏旅》中，將最火辣最誘人嘅身材展現畀大家欣賞，夏海話如果身材唔夠弗，就唔能夠將夏日感覺呈現。而夏海嘅努力的確冇白費，因為作品藍光碟版以及DVD版甫上市就進佔網購網站嘅偶像DVD銷售榜第一位及第二位，銷量成績相當理想！夏海表示好多謝大家嘅支持，不過佢話唔會放軟手腳，喺嚟緊嘅日子會出席好多活動，可以同粉絲近距離接觸，亦會參與有關介紹動漫嘅電視節目，因為夏海相當鍾意睇動漫o架！
見到家陣夏海咁正面咁積極，相信一班粉絲亦應該感到高興同安慰，因為想當年夏海以AKB48成員發展本應大有前途，點知喺2012年被發現佢同一個年紀相若嘅男仔拍拖，違犯咗AKB48成員不可談戀愛嘅規條，結果被踢出團隊，好彩夏海努力面對，現時終於搵到屬於自己嘅路向。可能係因為衰咗喺一個年紀相若嘅男仔手上，最近夏海喺訪問中表示戀愛對象係大叔型，咁又啱嘅，大叔有番咁上下經濟基礎，若然夏海又再犯上甚麼嚴禁拍拖嘅規條，咁咪叫大叔養囉！
簡介：平嶋夏海近期積極拍水着寫真，大騷經過收身之後嘅火辣胴體，大家Click入佢嘅Twitter就可以睇到唔少拍攝花絮。
網址：https://twitter.com/nacchan_h0528
年齡：26歲
身高：5呎
三圍：35-24-35
撰文：賢