早兩日港珠澳大橋被揭發人工島防波堤被沖散，外界擔心出現飄移，政府頻於解畫，跟住趕住要立法會通過嘅一地兩檢草案，相關嘅草案委員會又流會，運輸及房屋局局長陳帆肯定急如熱鍋上的螞蟻，點知咁都不特止，尋日又爆出高鐵列車喺石崗列車停放處發生「出軌」事件。單單都咁大鑊，陳帆可謂頭頭碰着黑，被人稱為帆哥嘅佢，依家變咗「煩哥」，唔知顧得邊樣？
