林鄭政府為咗所謂「大和解」大玩放生功德，律政司以「證據不足」為由，就令黑金案主角漢奸黎逍遙法外，而漢奸黎大庭廣眾下爆粗兼涉刑恐本報記者，律政司則扮聾裝啞當乜都冇發生過，呢個係一個乜嘢政府嚟㗎？
連法治都可以犧牲嘅政府，難怪愈和解愈墮落，是否愈快樂老朽不作推想，不過政府的「大和解」愈發令香港沉淪、混亂，則幾可斷言。大家都睇到，林鄭對待反對派，簡直去到觀世音普度眾生的地步，按佛經的說法，眾生遇苦難，只要稱、念觀世音的名字，觀世音就會前去解救。
家陣漢奸黎及一眾反對派，相信一有麻煩事就會默唸「林鄭奶媽觀世音菩薩救苦救難」，希望逢凶化吉，好像漢奸黎獲「免死金牌」；早前被ＤＱ的長毛等四位議員，原要退還嘅千萬元巨款，政府追都唔追，仲話想一筆勾銷添！政府對小市民多拿一毫幾分絕不會放過，對反對派政客卻大慷納稅人之慨，如此買惡人政客怕，真係睇見都眼火爆！
好戲更在後頭，民主黨日前舉行黨慶籌款晚宴，林鄭親率一眾高官慶賀，並破例捐咗三萬元，如此「大和解」的大慈悲，大灑楊枝甘露，你唔信佢觀世音上身都唔得。之不過，網民即刻有反應，指「好有問題，三萬元捐款給反對黨，用來對抗政府施政、拉布，搞亂議會運作，無能政府，愧對國家的期望」。更有網民直斥其黑白不分，打工心態，做夠五年，魂歸英國，隔岸觀火。市民的眼睛確係雪亮。
三萬元在林鄭眼裏也許不算甚麼，只不過係其月薪約一成，然而佢唔係唔知民主黨全力支援佔中三丑等的法律訴訟吧？她對白鴿黨捐款作出「零的突破」可謂意義重大，其大玩放生反中亂港者令吾人有太多遐想。林鄭呢位「觀世音」灑下的「大和解」甘露正滋潤一大堆惡果，到頭來，這惡果除了自啃，更害苦了香港人。