財政司司長陳茂波（波叔）早前發表新一份預算案，被斥派糖不均，但仍企硬唔肯全民派錢。有消息指政府擬透過關愛基金補鑊，向月薪低於約一萬五千五百元及無向政府申領綜援等福利的市民，每人派發三千元現金補貼，多個政黨表明唔收貨，而社會上有聲音鬧爆政府，點解家庭主婦又係一蚊都冇，唔通主婦對社會冇貢獻？依家波叔呢度補啲，嗰度補啲，但補極都係漏，民憤難平，唔知佢點收科？
