每年農曆正月年廿六嘅觀音開庫尚未開始，財政司司長陳茂波（波叔）或者要順應民意搶閘開庫，皆因佢份財政預算案派糖派到投訴四起，尤其係一眾基層都抱怨呢位現任財爺即使坐擁金山，但就厚此薄彼，只益中產忽視基層需要。結果社會各界事後紛紛要求財爺加碼派錢，連政界亦罕有不分建制及民主派咁提出要求，睇嚟波叔都要認真考慮係咪要重開庫房回應社會訴求嘞！
