依家航拍機大行其道，但亦都引發好多問題。好似立法會議員容海恩日前以為有賊入屋，點知原來係航拍機闖入香閨，拿拿聲搵魚網捉佢落嚟。呢架航拍機究竟係誤飛定係另有所圖？呢啲真係好難估。之不過，呢件事就令人好震驚，擔心個人私隱不保，簡直係災難嚟，難怪會再次引發航拍無王管嘅問題。雖然民航處曾委聘顧問進行研究，建議政府建立無人機註冊系統，睇嚟咁都係唔夠，要諗諗再收緊尺度嘞！
