政情：珠海學院鋪路升呢 招聘「全能校長」

成立遴選會 收逾百申請

根據該校列出嘅聘用條件，校長人選唔止要有學術成就同領導才能，仲要求喺資源同行政管理、溝通技巧同個人誠信方面都要出類拔萃，即係要有台型又見得人，睇嚟係要為該校升格為私立大學鋪路嘞！

畢業於美國史丹福大學嘅密碼學專家張忠柟，自○二年起已出任珠海書院校長，○四年珠海書院正名為珠海學院，佢可以話見證該校變遷。今年七十二歲嘅佢已表明退休意向，所以該校亦已展開全球招聘校長嘅工作，並為今次招聘校長成立咗遴選委員會。

據悉，該校至今已收到逾百份申請，申請者除咗來自香港、內地同台灣外，仲有來自英、美、澳、加嘅國際知名學者同教育家，該校將招聘期延至二月下旬，之後就會進入下一輪遴選工作。