本土研究社前日發表新界套丁研究報告，指香港最少有九千八百七十八幢丁屋係疑似以套丁方式興建，佔四萬多幢獲批丁屋嘅兩成三。有份參與發表報告嘅立法會議員陳淑莊就批評，地政總署只巡查而無執法，無相應嘅刑事調查，認為執法過於寬鬆。鄉議局主席劉業強尋日終於還擊，反指本土研究社嘅報告無充分證據證明，對原居民不公平，又話唔好以為原居民怕惹事或怕事，如以為原居民怕事好惹，原居民一定會企出來喎！
