政情:公民講場:套丁指控證據不足 劉業強為原居民還擊

本土研究社前日發表新界套丁研究報告,指香港最少有九千八百七十八幢丁屋係疑似以套丁方式興建,佔四萬多幢獲批丁屋嘅兩成三。有份參與發表報告嘅立法會議員陳淑莊就批評,地政總署只巡查而無執法,無相應嘅刑事調查,認為執法過於寬鬆。鄉議局主席劉業強尋日終於還擊,反指本土研究社嘅報告無充分證據證明,對原居民不公平,又話唔好以為原居民怕惹事或怕事,如以為原居民怕事好惹,原居民一定會企出來喎!

第一手消息請下載on.cc東網iPhone/iPad/Android/Windows Phone Apps