大原優乃笑容100分

踏入2018年,帶來一位18歲卜卜脆嘅可愛妹妹仔同大家見面啦!呢位大原優乃唔單止青春活潑,仲身材一流,有佢嘅脹卜卜美巨乳以及甜美笑容陪住大家,今年一定精神振奮、精力旺盛!事不宜遲,即刻同大家探索一下呢位妹妹仔啦!

天真火辣

日本寫真界嘅童顏巨乳女優近期愈來愈多,好似有「千年一遇之巨乳」稱號嘅淺川梨奈最為火紅,不過梨奈係就係好波,童顏亦相當綺麗吸引,但唔知係咪阿妹同攝影師有仇,抑或係佢心情唔好,從其寫真作品中總係見唔到佢嘅笑容。雖然扮可憐有時都係一種吸引男人嘅方法,不過我相信更多男人會被女仔甜美嘅笑容所迷倒。講到呢度,小弟亦不禁諗起童顏巨乳掌門人篠崎愛初出道時綻放嘅天真笑顏,而今日同大家見面嘅大原優乃就有着篠崎愛嘅影子喇!

大原優乃現年18歲,滿面都係化不開嘅純真稚氣,一派入世未深嘅鄰家少女感覺,被稱為值100分嘅笑容令人感受到猶如沐浴於陽光當中咁溫暖咁祥和,而呢種暖意仲會昇華變成熱力,因為優乃擁有一對純天然嘅極品F奶,外形飽滿圓潤,一睇就知彈性強勁,配埋健美結實嘅肉身,認真係天作之合。

制服誘惑

2009年亦即係優乃10歲嘅時候已經作幕前演出,不過唔係拍寫真,而係透過電視節目《天才電視少年MAX》嘅招募活動,順利獲選成為節目中嘅專屬表演團體「Dream5」其中一位成員,之後參加過《NHK紅白歌唱大賽》以及《日本唱片大賞》等大型活動,細細個就見過大場面喇!直到2016年尾「Dream5」宣告解散,自此優乃便展開個人發展,由於佢身材好又樣子可愛,獲得各大水着雜誌搵佢作泳裝演出。另一方面,優乃亦有繼續唱歌,仲不時參演舞台劇,例如《驚奇國家的大合唱》、《Pirates Of The Desert 3》等。

講番寫真演出,優乃自言2017年係重要嘅一年,因為佢主動向事務所提出請求,至可以獲得批准推出2018年水着月曆,事實上出月曆可以話係對一位寫真女郎嘅肯定,難怪優乃會咁高興!至於新一年優乃又有咩方向呢?優乃話除咗會繼續作多方面演出,以及努力學習之外,仲希望喺未來嘅寫真演出當中能夠換多啲制服,因為佢好鍾意換靚衫玩制服誘惑喎!

社交網站

簡介:自從「Dream5」解散之後,大原優乃以個人身份發展得愈來愈順利,呢頭拍寫真,轉頭又登台又上電視節目,大家想留意阿妹最新動向,就要緊貼佢嘅Twitter喇。

網址:https://twitter.com/yuno__official

大原優乃Profile

年齡:18歲

身高:5呎1吋

三圍:34F-23-33

撰文:賢