政情:派年曆12月有32日 陳家珮死撐爭取假期

早前有網民發現南區區議員陳家珮派發嘅年曆,離奇地寫上「12月32日」,而佢就連同黨主席、立法會議員葉劉淑儀拍片回應,聲稱希望為打工仔爭取多一日假期喎。

片段中訪問咗唔少街坊,看看市民如何善用十二月多一日嘅時間,唔少人希望與家人相聚或與朋友聚會,亦有人想休息。而葉劉更加話年曆係預言,預祝打工仔可以享有多一天假期,直言「工聯會都想好耐」爭取劃一假期,所以年曆多寫一日就係先行增加一日假期。

寫錯銜頭 葉劉稱「好意頭」

另外,年曆又錯誤地將葉劉由「立法會議員」寫成「立法會區議員」,葉劉同陳家珮就話係「好意頭」,代表葉劉於二○一九年區議會選舉中有希望。葉劉早前打算參加中西區區議會補選,但以時間不足為由而放棄,意味佢繼續鋪路轉戰俗稱「超級區議會」嘅立法會區議會(第二)功能界別議席。

第一手消息請下載on.cc東網iPhone/iPad/Android/Windows Phone Apps