政情：梁耀忠樹根上身 講錯「明張目膽」
立法會財務委員會尋日召開特別會議，討論修訂財務委員會《會議程序》。被喻為「金句王」嘅立法會前議員鍾樹根曾在會議上二次創作成語，把「明目張膽」說成「明張目膽」等，呢股樹根化現象一直在議會蔓延，最新中招嘅街工議員梁耀忠，喺發言期間再一次講錯「明張目膽」。
梁耀忠喺發言時指自己出任立法局議員時，雖然民主派議員同現在一樣佔少數，建制派議員佔多數，但當時嘅建制派議員唔會「明張目膽」欺壓少數派，會互相尊重處理問題。
尹兆堅憂出現「陳健波化」
另外，民主黨議員尹兆堅發言時，表示不滿財委會主席陳健波提出嘅會議安排，仲話現時有一新詞彙叫「梁君彥lization（梁君彥化）」，希望陳健波唔好喺主持會議時，受立法會主席梁君彥影響喎，唔通佢擔心會出現「陳健波lization」？