立法會秘書處尋日再次向被取消立法會議員資格嘅青年新政游蕙禎同梁頌恆，追討佢哋已申領嘅議員薪津並作出最後通牒，限定佢哋要喺九月十二日或以前，退還約九十三萬元畀立法會行政管理委員會（行管會），否則會採取法律行動。老實講，發呢封信都只係例行公事，事關游梁依家靠積蓄過活，而游蕙禎更話過唔怕破產，擺明係冇錢還喇，所以身兼行管會主席嘅立法會主席梁君彥想追番呢筆數，可以話係凍過水呀！
