豆腐做得又嫩又滑又白咁至得人鍾意，女仔亦都一樣，擁有嫩、白、滑肌膚特別惹人喜愛，所以美白護膚產品如此深得女士歡心不無道理。日本寫真界新貴大石繪理除咗貌美迷人，身材亦婀娜誘人，更加因為肌膚幼嫩高質而受到廣告客戶歡迎，唔知佢有咩護膚妙法呢？
近幾年日本寫真界風起雲湧，全因好多來自樂壇嘅妙齡女郎紛紛為事業、為人氣、為觀眾們嘅眼福着想，而敢於作性感演出，好似AKB48、SKE48唔少前成員都喺脫離團體之後，全力進軍寫真界。除咗呢班美少女偶像歌手之外，進軍寫真界嘅勢力當中亦有唔少來自模特兒界，好似有九頭身美人之稱嘅朝比奈彩就係知名模特兒，而今次為大家介紹嘅大石繪理亦係其中之一。
23歲嘅大石繪理樣子比同年齡嘅女仔成熟，氣質清秀而綺麗，配上一頭長長秀髮更顯得風韻迷人。論到身材，作為模特兒嘅繪理生得高挑而纖巧，薄身得嚟唔會話好似其他模特兒咁瘦骨嶙峋，好似患咗厭食症一樣，而係曲線優美且骨肉勻稱，更重要嘅係上圍對D奶斤両十足，配上一身牛奶般雪白嘅優質肌膚，令呢副胴體更加誘惑無比。
大石繪理雖然自小好想做模特兒，但原來佢入行竟然係無心插柳。2010年阿妹讀緊高中，當時佢長得亭亭玉立，靚女又身材高挑，有次佢陪朋友去到藝能事務所面試，而繪理如此優質，事務所人員慧眼識靚女，叫埋佢一齊面試，最後阿妹成功獲得取錄，並展開模特兒生涯。
作為模特兒，繪理最常為觀眾展示嘅唔係時裝而係內衣，由於身材好，而且演出夠淡定，喺行內漸漸打響名堂，近年更加喺水着寫真界嶄露頭角。令大家咁鍾意繪理嘅原因除咗身材同美貌之外，亦因為阿妹嘅肌膚鮮嫩白淨，據佢講，其美肌秘訣係多飲梳打水，同時用梳打水洗面添！另外，繪理被人稱為「平成維納斯」，皆因佢人見人愛，而本身繪理都係一個博愛之士，事關早前阿妹喺一個綜藝節目中表示自己係雙性戀者，究竟係事實定為咗博出位而吹水呢？就只有繪理至知喇！
簡介：大石繪理近期除咗拍寫真，仲展開女主播事業，搵食瓣數多籮籮，如果大家想緊貼阿妹最新動向就要Click入佢嘅Twitter睇實喇。
網址：https://twitter.com/erioishi3
年齡：23歲
身高：5呎5吋
三圍：32-22-32
撰文：賢