興德學校被揭涉嫌隱瞞「影子學生」後，尋日又再有學校懷疑有「影子學生」，明愛屯門馬登基金中學被指涉嫌將學生跳級，以避過縮班威脅。老實講，興德學校嘅混亂一波未平，一波又起，依家「影子學生」愈爆愈多，睇怕教育局局長楊潤雄都好頭痕，但事件顯示教育局點算學生嘅方法好有問題，若果楊潤雄話有改善空間就一味拖落去，班立法會議員肯定唔會放過佢。
