政情：李漢奸露尾巴 鼓吹卅年後港獨
外號「李漢奸」嘅民主黨創黨主席李柱銘曾經話過自己唔係搞港獨，而係反對港獨。不過，佢尋日出席一個論壇時終於露出漢奸尾巴，公開講社會討論香港卅年後獨立並無不可，因為卅年後中國可能已經實行民主，情況就好似早前蘇格蘭爭取從英國獨立一樣。李漢奸鼓吹香港卅年後獨立，卅年後佢喺邊都冇人知喇，仲點到佢指指點點呢？
李卅年後喺邊都冇人知
尋日嘅論壇提到現時部分年輕人主張港獨，李漢奸就話，年輕人只責怪自己呢代人冇去革命追求獨立，但就冇考慮代價，反問「但你肯不肯付出生命代價？願不願意第一個死？」佢又批評︰「有啲人鼓吹獨立同革命，但自己就不見人影」。
李漢奸一時話自己唔主張港獨，一時又鼓吹香港卅年後可獨立，根本就自相矛盾。
況且，李漢奸已七十九歲，卅年後佢喺邊都冇人知，到時佢咪就係自己口中批評嗰啲「鼓吹獨立同革命，但自己就不見人影」嘅人囉。