政情：公民講場：點檢測大橋石屎？馬紹祥抓晒頭

爆出港珠澳大橋香港段豆腐渣工程醜聞後，公眾對大橋嘅安全好憂慮，究竟用乜嘢檢測方法先最準確？政府話打石屎槍檢測硬度，但業內嘅專業人士就話應該抽石屎芯化驗，土木工程署前署長劉正光日前都話應抽石屎芯，然而土力工程處前處長陳健碩尋日就話擔心咁做會傷及鋼筋。眾說紛紜，應該點做先啱？睇怕發展局局長馬紹祥都抓晒頭。搞成咁，歸根究柢都係大橋工程做得差，馬紹祥難辭其咎。