政情：公民講場：恨留任再表心迹 張建宗做乜都制

九年未放過假嘅政務司司長張建宗（小肥張）尋日出席一個回歸二十周年活動時，被問到下月起司局長會落區，怕唔怕被人圍，佢就話落區其實係上樓做家訪，唔係喺街做騷，所以唔擔心被圍。講到未來嘅仕途，最近有報道指佢係教育局局長人選之一，之不過佢依家已貴為特區第二把交椅，若果接掌教局咪好似被貶官咁囉？一早講過任何崗位都唔介意嘅小肥張再次表明心迹話，有機會一定繼續服務社會。睇嚟佢恨留任流嘅口水就嚟浸死人，塞咩畀佢食都肯制。