政情：公民講場：盛傳冇得留低 波叔揮手代答

早兩個月升呢做財政司司長嘅陳茂波（波叔），早兩個禮拜就已經急不及待搬咗入官邸，可見佢好恨做財爺。正所謂一朝天子就一朝臣，盛傳冇得留低嘅佢尋日出席一個活動後，被問及會唔會留任新政府時，佢只係對住傳媒笑笑口，揮一揮手就走咗，究竟佢係唔想回應，當乜都聽唔到，抑或揮手當告別官場呢？老實講，留與不留都唔到波叔話事，最終答案相信亦好快就揭曉。