所謂知錯能改，善莫大焉，聖人都有錯啦，何況係我哋一介平民呢！做錯事唔緊要，最重要係識得反省同改過自新，好似江藤彩也香咁，因為犯錯而被逐出HKT48，後來佢決心改過，努力工作，近期更加落力出賣美色，以姣好身段吸引大家嘅目光！
近年大家發現網上經常都有與貓相關嘅商品及生活點滴被瘋傳，除咗事情本身有趣，當然係因為愈來愈多人鍾意貓咪，而日本AV達人東風克智都表示呢種現象稱之為「貓之高潮」，意思即使係貓嘅受歡迎程度達到極端。唔知大家又鍾唔鍾意貓呢？小弟對貓兒相當喜愛，而今日介紹嘅呢位被稱為貓女郎嘅江藤彩也香相信大家一定冧到痹！
19歲嘅彩也香五官標致，一雙迷人眼神帶勾魂攝魄嘅神采，流露出神秘嘅誘惑能量，睇落同貓非常相似。而彩也香身材亦似貓貓，一來嬌小玲瓏，二來柔軟度極高，能夠輕鬆做出弧度極高嘅貓腰動作，唔知阿妹又會唔會踢足球守龍門使出貓撲嚟救波呢？
彩也香喺2011年開始踏足舞台，展開歌手生涯，憑住青春活力及可愛面孔，成功通過面試成為美少女團體HKT48成員。大家都知道，乜乜48呢類團體好多成員一做就做幾年，有棵大樹好遮蔭，往後要喺歌壇發展，又或者下海拍AV叫價都特別高。之不過，彩也香喺2012年做錯事，被人發現佢同團隊成員菅本祐子及谷口愛理等一行三個女仔，去到一個美男子屋企飲酒，犯下未成年飲酒嘅大忌，最後彩也香被逐出HKT48！雖然落得如此下場，但係佢冇放棄藝能事業，索性以個人身份登台演出，同時展開寫真女郎生涯，靠出賣色相成功將人氣谷起！由於彩也香同知名寫真女郎紗綾屬同一事務所，阿妹表示會多多向師姐紗綾學習，希望成為一個出色嘅寫真女郎之餘，仲會積極爭取演戲機會，以澤尻英龍華為奮鬥目標！
簡介：江藤彩也香近期成日跟住師姐紗綾四圍去見識，想知道彩也香喺過程當中學咗啲乜，可以Click上佢嘅Twitter了解一下。
網址：https://twitter.com/sayakaetou?lang=ja
年齡：19歲
身高：5呎3吋
三圍：33-23-32
撰文：賢