曾俊華（鬍鬚曾）喺特首選舉以四百多票之差，輸畀前同事林鄭月娥，但佢喺敗選後仍然無放棄苦心經營嘅facebook（fb），更喺尋日凌晨上載一輯名為「一起走過的六十七天」嘅照片，更出現其露肉照添！
鬍鬚曾喺fb上揚言，感激港人於呢段期間相伴，更一口氣上載逾四十張照片，重溫競選期間嘅一點一滴，上載不足一日已有近十萬人讚好。而四十多張照片中，有幾張相最「吸Like」，當中一張更吸逾三千六百個讚好，就係佢赤裸上身嘅照片。
從相片可見，赤裸上身嘅鬍鬚曾趴喺枱上進行拔火罐治療，有網民形容相片「好香艷」，但絕大多數網民都係關心佢嘅健康，紛紛叫佢保重身體，又話呢段期間辛苦喇！
特首選舉已完結，鬍鬚曾竟然喺敗選後出賣肉照引人注意，唔知仲係咪沉醉喺選舉模式中，未從敗選中恢復過來呢？
