政府喺提出引入美食車嘅時候，講明美食車唔係賣魚蛋咁簡單，點知美食車先導計劃啟動逾月已經走樣。事關擺放嘅地點唔理想，導致客源少，營運者劣評如潮，為咗減少虧損，更有營運者加入魚蛋燒賣救亡，又係賣番魚蛋，簡直就摑咗商務及經濟發展局局長蘇錦樑（Greg蘇）一巴！雖則Greg蘇呢排係咁四圍走，仲拍埋片嚟硬銷美食車，但係反應都係咁差，美食車先導計劃分分鐘變咗先死計劃呀！
