上月有日天文台一早連續發出兩個紅色暴雨信號，但教育局就無配合即時宣布學校停課，玩殘大批家長及學生。教育局前日公布新安排，若天文台在清晨五時半發出紅雨或黑雨信號，上午校及全日制學校就停課。不過，立法會教育界議員葉建源仍然不滿，質疑政府隨意定出停課通知時間，未經深思熟慮，又話如果天氣喺上午七時半趨穩定，安排又會否有變，最理想通知時間應設喺學生出門之前喎，真係乜都佢講晒，不如教育局每次宣布停課前最好問吓葉建源先啦！
