政情：有相為證：陳凱欣撞親要戴手套

食物及衞生局去年黑氣纏身，局長高永文跑步仆倒、副局長陳肇始做運動整傷手及政治助理陳凱欣遇上輕微交通意外。事隔半年呢股黑氣似乎又再重臨，話說政治助理陳凱欣（Rebecca）喺剛過去嘅周日留在家中，正當佢聽到女兒叫喚後，隨即轉身尋找女兒，點知不慎撞到家中有接近小腿高度嘅吸塵機，成個人失去重心仆倒，左手因此受傷。尋日見佢出席立法會會議時，左手前臂亦戴上保護手套，佢話暫時只睇過物理治療。不過睇嚟佢應該冇乜大礙嘅，湊小朋友真係要小心啲喇！