內地訪港旅客持續減少，購物區同旅遊區逼爆旅客嘅情景不再，甚至連五一假期嘅市道亦大不如前。正當業界惆悵萬分之際，沉寂一時嘅反水貨客行動再次死灰復燃，兼且又被揭發強迫旅客購物嘅醜聞，相信旅遊業受到進一步嘅打擊。呢啲問題全部屬於商務及經濟發展局局長蘇錦樑（Greg）負責嘅範疇，依家辣着咁多火頭，Greg蘇撲火都撲唔切，肯定好頭痕喇！
