中環出更：學民惹「呃錢」思潮
學民思潮（學民）周初爆出解散傳聞，主要成員等至今未有否認，更有傳學民不日會宣布將組織一分為二，以新政黨同新學生組織形式繼續運作。消息傳出不久，有疑似前學民成員網上爆料，指學民打算將百萬元計的資產分一半至新政黨，質疑學民「呃錢」！
去年252萬儲備 今僅餘一半
該疑似前學民成員質疑，市民係向學民捐款，而唔係捐畀新政黨，唔明點解可以問都唔問就拎走一半資產，佢又要求召集人黃之鋒、發言人黃子悅交代資產去向。黃子悅在網上留言回覆，指「根據會規，資產將捐給理念相同的組織」，即被質疑係暗示將資產轉去新政黨，亦從來無將會規公開，「會章佢哋話點就點」，多名網民更斥被「呃錢」！亦有網民關心月花二萬元租用嘅會址會點安排。
本報至截稿仍未聯絡到黃之鋒或黃子悅等人回應。黃之鋒尋日接受數碼電台訪問時話，現時學民有百多萬元資金，每月有核數師覆核戶口財政，又話背後無政治勢力支持，但未有回應「呃錢」指控。不過，根據去年三月時任發言人黎汶洛所講，學民當時約有二百五十二萬元儲備，不知為何一年間會使咗百多萬元。
卓妮