香港仔：店舖霸路 食署疏執法
「呢間舖長期放啲貨出門口賣，又放好多膠箱出去，阻住條路之餘，搞到條街好邋遢！條行人路雖然係闊，但都唔係隨便霸埋做生意(口架)嘛！到底食環署平時有冇巡！」陳先生不時經過香港仔大道，發現有店舖霸佔店外行人路放置大量貨物，質疑食環署疏於巡查及執法不力，導至問題久未改善。
食署：已派員巡查上址
食物環境衞生署發言人表示，接獲本報轉介後已派員巡查上址，發現涉事店舖在行人路上放置膠箱等物品，對途人造成阻礙，遂檢控有關店舖負責人。根據紀錄，過去一年，該署共接獲六十七宗相關投訴，期間共提出五十一宗檢控。
「一年收到咁多人投訴呢度，證明間舖持續對行人造成影響，希望食環署檢討吓點樣可以徹底解決呢個阻街問題！」陳先生要求食環署檢討工作成效，並盡快改善問題。