沒有最誇張，只有更誇張！遇到經濟危機或天災嘅時候，不時有當權者會解釋話呢個情況係五十年一遇，甚至係百年一遇，總之就唔關佢事。之不過，「300萬光年一遇」嘅呢位可愛日本妹就一定關大家事，因為百川晴香嫩口又彈手，必定令大家精神一振，舒暢又醒神。
日本AV界最懂得譁眾取寵，好多時形容到AV女優天上有地下無，個胸大少少就話係「神乳」、「超乳」，上年更加有位名叫水原梨花嘅美熟女被稱為「千年一遇之美熟女」，不過都唔及百川晴香呢位新紮寫真偶像咁勁，因為阿妹嘅可愛程度被稱為「300萬光年一遇」。嘩！咁形容阿妹真係好誇張囉！之但係，晴香又確係嫩口彈手又萌味十足，好得人鍾意。
今年20歲嘅晴香五官標致，天真無邪嘅笑容純潔無垢，猶如一道清泉為男人潔淨同滋潤心靈。同好多可愛美少女一樣，晴香身材纖巧，雖然上圍同屁股唔算豐滿，勝在擺個S形姿勢呈現出優美曲線，加埋白淨又鮮嫩嘅肌膚，大大增加吸引力，質素十分高，令人愛不釋手。
晴香只係得二十歲咁年輕，但係佢並唔係藝能初哥，因為佢早喺2012年以渡邊晴香嘅藝名喺銀幕演出，參與第一部電影就係由漫畫改編嘅《熱浪來襲！貓之谷！》，而晴香嘅銀色旅途可謂相當順利，之後佢演出過唔少電影，包括《阿爾卑斯女學園》、《蒲魚》等，後者阿妹仲係擔正演出，同時呢部電影係2015年夕張國際電影節嘅放映作品之一，足見晴香喺藝能界佔有一席位。
不過，日本女演員好多都唔會安守本分，2014年晴香以寫真女郎身份參加「NEXT寫真女王戰鬥第三季」，之後就開始寫真之路。上年晴香嘅事業更上一層樓，有幸被選為特攝超人劇集《超人奧特曼X》嘅高田麻衣一角，令人氣再度攀升，由於鹹蛋超人系列嘅奧特曼來自於遠離地球唔知幾多百萬光年嘅星球，故此晴香妹被稱為「300萬光年一遇嘅美少女」喇。
簡介：百川晴香認真係百足咁多爪，呢頭去登台獻唱，轉個頭又出席握手會，想緊貼阿妹嘅活動消息，就一定要睇實佢個微博喇！
網址：https://twitter.com/momokawaharuka?lang=ja
百川晴香Profile
年齡：20歲
身高：5呎4吋
三圍：31-23-33
撰文：賢