本土民主前線梁天琦喺立法會新界東補選結果公布後，宣布香港政壇從此進入泛民主派、建制派同本土派「三分天下」、「鼎足而立」嘅時代，又話本土主張再唔係「小眾」。但其實梁天琦今次只取得約一成半得票，仲少過社民連同人民力量等現有激進泛民喺上屆選舉嘅得票。即使係輸咗嘅民建聯周浩鼎，票數都多佢唔止一倍，明明長短腳又點樣鼎足而立呢？再者，支持度得一成半都係小眾，咁乜嘢先叫小眾呢？
