建制派立法會議員喺政改方案表決時因溝通失誤，集體離場釀成政政方案僅獲八票贊成嘅「甩轆」事件，其中關鍵人物、身兼行政會議成員林健鋒（Jeffrey）成為眾矢之的。咁啱Jeffrey父親、「黃色膠鴨之父」林亮尋日中午現身金鐘廊，被問及對事件有何看法，佢就話前日好早休息，亦無睇新聞，尋日朝早先至知道事件，但拒絕評論事件。不過，林亮就力撐兒子話，雖然佢對政治無乜興趣，但一直好支持Jeffrey從政，亦支持政改方案喎。
