夜場新聞:日夜風流 情色引誘

日玩夜玩嘅生活梗係開心,若然一日24小時都可以攬女風流,更係男人夢寐以求嘅生活。不過望吓個荷包不但已經半乾,再拎埋張六合彩飛出嚟對吓,發覺呢期頭獎又冇份,所思所想嘅生活真係唔知幾時至可以實現呀!

包女去旅行

其實包囡囡去玩呢個問題,喺好耐好耐以前已經有發生。玩家願意出價包起相熟嘅囡囡,然後同佢去外地嚟個情慾之旅,日頭玩餐飽,夜晚就震到爆,呢種旅行方式真係正到暈!事緣早排佐敦一個出晒名嘅一樓一場,突然有幾個囡囡失咗蹤,原來佢哋各自被熟客包起去旅行,短嘅四日後至返,長嘅則要成兩個禮拜後先至出現。包旅行價固然要一對一傾,只係問題嘅重點唔係呢度,而係乜包女去旅行真係咁着數咩?據講當中嘅價錢真係豐儉由人,熟客價從每日兩、三千起,劏客價則從四千起都有,當然可唔可以有走棧位,則要視乎玩家同囡囡嘅關係係點嘞。

靈蛇狂掃荔

記得以前內地夜遊嘅黃金歲月,夜總會嘅玩法真係諗得出嘅都有,就算諗唔到嘅佢亦有得畀你玩,好似乜嘢髮菜酒、木瓜奶、光豬蠟燭等,呢啲玩法都叫人眼界大開。不過隨住內地情況嚴峻,夜總會嘅玩法已經唔敢再咁誇張。不過,唔敢又唔代表冇喎!據講廈門就有個場,場內囡囡竟然提供靈蛇掃荔嘅玩法。方法就係拉開玩家褲鏈,然後用條靈蛇掃動玩家嘅荔枝。至於支兵器呢?唔好意思,佢係唔會掂嘅。可能有人問點解要去到廈門咁遠嘅地方至有得玩呢?如果問得出呢個問題嘅話,原因只得一個,就係佢離開咗地球好耐。

半套有服務

台灣嘅夜總會近期出現「半套服務」,乜嘢叫做半套服務呢?講到尾即係口作或手作仔咁解。玩家入到房後,囡囡就會剝晒光豬同玩家唱歌,當然重點就係會同玩家提供口手服務,而玩家則可以乘機狂抽水。咪以為呢種玩法應該好平喎!據稱每次收費約為1,600台幣(約400港元)。既然價錢唔算抵玩,點解又會流行起嚟呢?原因好簡單,因為提供呢種服務嘅夜總會往往係一啲保安比較森嚴嘅場,基於相對安全嘅緣故,所以佢哋先至夠膽開出呢個價錢。不過咪以為森嚴就冇問題,月初有關方面先至查封咗一間咁嘅夜總會。

一日風俗孃

經常聽到日本女優到風俗店客串,既可以利用佢嘅知名度嚟吸客,女優又可以賺多份外快。不過對喺今年1月中宣布引退嘅女優優菜真白嚟講,最後卻換嚟雙輸結局。話說喺今個月初,位於宇都宮嘅風俗店「Hime Collection」宣布,搵咗優菜真白嚟做風俗孃,最重要係佢只做一日咁大把!咪以為限定供應一定大把人爭住嚟,據聞當日優菜嘅生意只係一般。點解呢位擁有G奶上圍,兼且係前AV名廠宇宙企劃嘅女優冇乜叫座力呢?咪以為風俗店獅子開大口,查實佢60分鐘嘅套餐收費不過係30,000日圓(約1,890港元),歸咎當中原因,一係佢哋太過高估優菜嘅人氣,一係日本經濟真係好差。

撰文:魂