灣仔：盧押道後巷淪垃圾堆填區
「已經豎埋警告牌喺度叫人唔好亂咁丟垃圾，都唔明點解啲人咁冇公德心，係都要將呢度變做堆填區！」於灣仔上班的施先生每日均會行經盧押道，發現有後巷經常堆積垃圾，認為易招蚊蟲之餘，亦有損市容，「市容就好似一個人嘅外表咁，如果塊面污污糟糟，你對呢個人都冇好感啦？」
收投訴 食署零檢控
食環署發言人證實，過去一年曾接獲相關投訴，期間未曾作出檢控，但已設置警告牌提醒市民切勿胡亂棄置垃圾。而接獲轉介後曾再派員巡查，亦發現有小量垃圾，已安排潔淨服務承辦商清理及清洗上址。
施先生直指問題不時發生，不滿食環檢控數字未有「零的突破」，要求執法與清洗街道雙管齊下，以早日根治問題，「依家亂咁丟完垃圾仲有人執手尾，點去糾正呢啲咁冇公德心嘅人？最少要做到一次檢控，要佢哋自食其果，咁先會有阻嚇力！」