中澳法學交流基金會主席兼大律師馬恩國提出要訂立《反港獨法》後，引起社會各界廣泛討論，而立法會法律界議員郭榮鏗尋日接受電台訪問時，就不點名暗批馬恩國為個人政治目的「擦阿爺鞋」。不過，馬恩國就反擊話，宋朝岳飛為保護國土完整、國家統一而抵禦外敵，「如果你認為岳飛係擦鞋仔，擦宋朝嘅鞋，咁我甘願同岳飛一齊，做一個保家衞國嘅擦鞋仔！」古時岳飛被阿媽喺背脊刺上「精忠報國」四字，如今馬恩國係咪要刺上「保家衞國」四個字呢？
