復活節長假期，唔少政界人士都湧到日本觀賞櫻花，但新民黨靚女社區主任王政芝（Gigi）就費事同人迫，提早幾日出發兼選擇乘搭高鐵到武漢賞櫻。原來Gigi咁大個女首次試搭國內高鐵，佢話估唔到高鐵車速會咁快，聲言以後返內地旅遊都會轉搭高鐵喎。不過，今次武漢之旅最令Gigi感到興奮嘅係，估唔到連武漢都有得睇櫻花，而且仲喺正三峽大壩旁邊賞櫻，特別有氣勢，佢話美中不足係當日有毛毛細雨，否則一定影多幾張靚相喎。其實櫻花樹下有Gigi，一幅相已經贏晒啦！
