本身係律師嘅立法會議員何俊仁（AV仁）早前回應法庭就佔領行動頒下嘅臨時禁制令時，直指當年納粹德國都有好多唔公義嘅法律，認為唔係全部都要遵守，暗將香港同納粹德國拉埋嚟講，引起軒然大波。近排同泛民愈行愈遠嘅資深大律師湯家驊接受電台訪問時亦舊事重提，指香港唔係納粹國家，唔想有人以「政治顏色眼鏡」去睇法治；佢仲鬧爆泛民嘅不合作運動要適可而止，唔能夠因為自己嘅主張好崇高，就唔理法律或法庭制裁喎！唔知AV仁會唔會聽入耳，及時除低佢副有色眼鏡呢？
