小巴站遭「佔領」 淪落貨區
「成日都有幾部客貨車擺正喺個小巴站度上落貨，啲小巴根本就冇可能埋到站，呢個情況仲已經唔只一次！」葉小姐常在佐敦谷北道附近乘坐83M小巴前往彩虹港鐵站，發現小巴站常遭客貨車「佔領」，卻鮮見警方到場執法，不滿違泊問題經年未解決。
市民促嚴懲違泊者
警方發言人表示，根據紀錄，過去一年共向違泊車輛發出四十八張告票及五十三個口頭警告，強調一直關注區內交通，並不時派員巡查執法，將密切留意情況及採取相應執法行動，保持道路暢通無阻。
不過，葉小姐指近日違泊仍未有明顯改善，續建議警方持續跟進，嚴懲違泊人士，「前幾日我喺淘大再搭車去彩虹，咪一樣有客貨車頂住，警方真係要睇緊啲啦！」