林村河「凹凸路」 滿布陷阱
「成條路都好多凹凹凸凸，呢個位係特別厲害，唔單止突然之間斜咗，啲駁位仲做得唔好，真係好易差錯腳！」陳女士指出，大埔林村河近港鐵太和站橋底行人路路面不平，鑑於不少市民會於河邊跑步或遛狗，擔心稍不留神即易跌倒受傷，「我日日買完餸都要經過呢度，成日見到有人喺呢個位戟親，我自己都戟過幾次！」
路署：已安排重鋪工程
路政署發言人證實，早前已發現有關位置曾有其他公用事業機構在部分路段進行重鋪工程，加上行人路經多年使用，路面出現耗損，已安排重建相關行人路，工程將於一月展開。
「既然之前都已經知道有問題，點解一直都唔整，仲要等到下年先整？」陳女士不滿路政署未有正視問題，要求當局盡快展開工程，以免市民因路面不平受傷。