明愛疑疏失 中風翁險死

「好彩當時喺屋企，唔係就大件事，老公可能分分鐘咁就埋單，真係死咗都唔知咩嘢事！」陳太憶述事件時仍難掩怒氣。陳太指丈夫於○六年中風後失去自理及活動能力，需長期臥床休養並以鼻胃管餵食。「佢雖然講唔到嘢又行唔到，但平時我同佢講嘢，佢都識得眨眼畀反應我，精神都算幾好！」

院方稱病情轉穩始出院

陳伯早前因呼吸困難而昏迷，被即時送往明愛醫院急救，四日後獲安排出院。「聽到醫生話佢可以出院，我都好開心，點知接佢返屋企轉個頭又要入返去（醫院），都未穩定就畀佢出院，醫生究竟點搞？」陳太指丈夫回家後僅一個多小時，因積痰引致呼吸困難，召救護車送返明愛，經搶救後終檢回一命，需留院半個月方能出院。「未好番就叫人出院，真係搵病人條命嚟較飛！」

彭鴻昌	明愛醫院被指輕視病人病情，草率安排病人出院。

明愛醫院發言人指出，病人近年因積痰或肺炎曾多次入院接受治療。病人於六月十七日因不省人事及出現呼吸困難被送往急症室，接受初步治療後入住內科病房。醫生診斷病人有尿道炎及積痰，遂處方抗生素治療。住院期間，病人情況一直穩定，並於六月二十日晚出院。

團體質疑不尋常促交代

對被指錯誤判斷險令病人命喪家中一事，發言人未有正面回應，僅稱當晚凌晨時分，病人情況轉差及出現呼吸困難被送往急症室。檢查顯示病人有輕微呼吸急促及痰鳴，初步診斷為食物或積痰誤入氣道。另外，病人的痰液細菌經培植後結果顯示有抗藥性金黃葡萄球菌，臨床情況有轉差迹象，遂處方萬古黴素治療，病人於七月三日已完成抗生素療程，病情好轉並於翌日出院。

「啱啱出院返屋企又要再入院，醫院可能喺判斷上有問題！」關注病人權益的香港社區組織協會幹事彭鴻昌指出，長者的呼吸系統出現問題屬常見情況，身體較虛弱及胸肺功能較差的長者尤甚。對於病人出院後短時間內需要再次入院，彭指情況並不尋常，認為院方應詳細交代病人住院期間的治療及病人出院時狀況。彭並促前線醫護人員必須時刻提高警覺，透過臨床觀察及X光等檢查為病人仔細診治，避免出錯。

記者：徐少琴