屯門區議會尋日開會討論擴建堆填區及興建焚化爐問題，身兼新界鄉議局主席嘅屯門區議會主席劉皇發尋日趁住環境局局長黃錦星出席會議時，係威係勢話如果要屯門區單獨承擔全港六成垃圾，係有點兒那過，而且好多改善當區嘅措施都未落成，政府確實係虧欠咗屯門，屯門居民可以話係捱咗好多拳喎。發叔縱橫新界咁多年，如果政策冇佢首肯，屯門區又點會興建到咁多厭惡性設施吖，所以係咪應該話發叔甘願捱政府咁多拳呢？
