最近廣州有六位女大學生喺大學門口袒胸露臂進行抗議，佢哋目的係批評社會上好多企業都以貌取人，甚至有啲管理人員更係以身材取人，所以佢哋以裸體嚟作出無聲抗議，嚟自9號會所嘅靚女丁丁就話：「多餘啦！」
丁丁話：「我出嚟打工咁耐，無論男管理層還是女管理層，佢哋九成九都係以貌取人，你樣子可以接受，佢哋至再考慮你嘅專業同學識，有人話咁做好唔公平，但我並唔係咁認為，主管要睇你嘅樣子，並唔係要個個都明星咁樣，而係要睇吓佢哋嘅神態表情，有好多女生自以為學問好就不修邊幅，或者黑口黑面嚟見工，畀你都唔會請佢哋，其實樣子好壞冇標準，自己明知樣子稍遜，但又不打扮，又不化妝就走去面試，根本就係唔尊重間公司！」
又講得幾啱！畀我都唔會請！丁丁繼續話：「等於去相親派對，好多女仔學歷高、職位高兼且收入高，但完全不受歡迎，因為佢哋去親派對都冇話特別打扮，放工就趕過嚟，相反啲三低妹妹，佢哋為咗吸引男生會花成日時間去裝扮自己，希望以最佳狀態出現，講真，呢啲妹妹落咗妝可能唔及三高姐姐好樣，但點解男生對佢哋仍然趨之若鶩呢？咪因為男生覺得呢啲妹妹尊重佢哋囉！所以以後無論見工或相親，姊妹們都要認真打扮，尊重人尊重自己！」
年齡：21歲
三圍：34.5-24-34
撰文：小德